Xheni ka qenë vazhdimisht në fokus të mediave rozë pas daljes nga Big Brother e sidomos në dramën e historisë së dashurisë me Benardin. Lidhja, ndarjet, ribashkimet dhe ndarja përfundimtare kanë bërë që emri i Xhenit të jetë në fokus vazhdimisht.

Por, së fundmi bukuroshja, i ka habitur të gjithë kur u shfaq e veshur në fustan nuserie, ndërkohë që aktori i humorit Olsi Bylyku ose siç njihet më mirë “Kimikati” i puth dorën.

Fillimisht fansat u bënë konfuzë por më pas u kuptua se s’bëhej fjalë për një martesë, por ata janë përzgjedhur për të qenë imazh i promovimit nga një kompani që merret me veshjet e dasmave.

Pak orë më vonë, Benardi bëri një video live bashkë me mikun e tij dhe shumë prej fansave e pyesnin ish-banorin për Xhenin dhe faktin që ajo u bë nuse. Benardi vetëm qeshi fillimisht, por pak më vonë teksa miku i tij u shpreh "Po, po Benardi s'po i hahet buka nga stresi", ish-banori e konfirmoi duke lënë të kuptohet se nuk i intereson më për Xhenin.