Ministri i Brendshëm Fatmir Xhafaj i pranishëm në analizën vjetore të policisë së Shkodrës ka paralajmëruar policët për Vettingun se askush nuk do i shpëtojë gjithashtu ju kërkoi të luftojnë krimin e organizuar.

“Të goditen ata që cilësohen si të fortë. Fytyra e policisë së shtetit duhet të ndryshojë. Janë 4-5 grupe kriminale që duhen goditur. Mos u merrni me hallexhinjtë, bosët e krimit janë vërdallë. Bëni kujdes me vettingun, nuk do t’i shpëtojë asnjë. Nëse përfshiheni në trafiqe droge do përballeni me ligjin. Toleranca ndaj krimit do të jetë zero”, shprehet Xhafaj.