Një incident ndodhi në koncertin e fundit të Dua Lipës në Toronto. Disa fansa futën fishekzjarre brenda ambienteve ku u mbajt koncerti duke i ndezur dhe duke plagosur disa të pranishëm.

Të paktën tre persona pësuan lëndime të lehta dhe menjëherë erdhën ambulancat. Së fundmi, Dua ka reaguar rreth ngjarjes duke thënë se ajo dhe ekipi i saj janë tronditur dhe hutuar.

“Mbrëmë, fishekzjarre të paautorizuara shpërthyen në turmë gjatë performancës time në Toronto. Krijimi i një hapësire të sigurt dhe gjithëpërfshirëse në shfaqjet e mia është gjithmonë prioriteti im i parë, dhe ekipi im dhe unë jemi po aq të tronditur dhe të hutuar nga ngjarja sa ju të gjithë. Është ndërrmarrë një hetim në vazhdim për ngjarjen ku po punohet shumë për të zbuluar se si ka ndodhur ky incident. Sjellja në jetë e këtij spektakli për fansat e mi ka qenë një përvojë kaq e mahnitshme, dhe më vjen shumë keq për këdo që tani ndjehet i frikësuar, i pasigurt", ka shkruar Dua.