“Ferma VIP 3” duket se nuk do të zgjasë aq sa ishte paralajmëruar fillimisht. Edhe pse në nisje u fol për një format prej 100 ditësh, raportimet e fundit tregojnë se reality show do të mbyllet më shpejt.

Sipas informacioneve të publikuara nga “Prive By Liberta Spahiu”, produksioni po planifikon që sezoni i tretë të përfundojë pas rreth 80 ditësh, njësoj si edicionet e kaluara. Kjo do të thotë se finalja nuk pritet të zhvillohet në korrik.

Burime pranë spektaklit bëjnë të ditur se nata finale mund të mbahet në mesin e qershorit, ndërsa datat që përfliten më shumë janë 15 ose 19 qershori. Deri tani, produksioni nuk ka bërë ende një njoftim zyrtar për datën përfundimtare.

Mendohet se ky vendim lidhet me afrimin e sezonit veror dhe eventet sportive ndërkombëtare, veçanërisht interesin e madh që pritet të sjellë Kupa e Botës, e cila zakonisht tërheq një audiencë të gjerë televizive.

Nga ana tjetër, atmosfera brenda fermës mbetet mjaft dinamike. Debatet, aleancat dhe surprizat e vazhdueshme po mbajnë publikun të angazhuar, ndërsa gara drejt finales po bëhet gjithnjë e më e fortë.

Tashmë mbetet për t’u parë se cilët konkurrentë do të arrijnë të sigurojnë një vend në natën finale dhe kush do të shpallet fitues i “Ferma VIP 3”.