Ai është një ndër reperët më të suksesshëm shqiptarë i cili prej vitesh ka dhuruar shumë hite për dëgjuesit shqiptarë. Por fatkeqësisht Unikkatil nuk ka realizuar shumë koncerte, mirëpo së fundmi çdo gjë ka marrë një rrjedhë tjetër pasi reperi kosovar ka nisur koncertet.

Mbrëmë, Unikkatl ka mbajtur koncertin që kishte paralajmëruar ditë më parë, për bashkatdhetarët që jetojnë në Zvicër. Për të dëgjuar nga afër hitet më të njohura të Unikkatilit, ishin mbledhur një numër i madh fansash të reperit. Atmosfera ishte në maksimum, ndërsa reperi ka hedhur në rrjete sociale një video përmes së cilës tregon edhe numrin e madh të flamujve kuq e zi që kishin mbuluar sallën ku këndonte ai.