Përfaqësuesja e Kosovës bën debutimin e saj në eliminatoret e EURO 2020 dhe pikërisht ndaj kombëtares së “Tre Luanëve”. Edhe pse grupi nuk ka në përmbajtje të tij kombëtare me emra shumë të mëdhenj, Anglia mjafton që lufta për vendin e dytë të bëhet shumë e ashpër, midis Republikës Çeke, Bullgarisë dhe Malit të Zi.

Trajneri Challandes ka dhënë deklaratën e tij menjëherë pas shortit:

“Nuk është grup i lehtë, por ne jemi Kosova. Nuk mund të mendojmë se jemi në një grup të lehtë pasi Anglia është skuadër shumë e fortë dhe këtë e dimë. Por me skuadrat e tjera është e mundur, kam besim në ekipin tim, i cili është shumë mirë para ndeshjes me Maqedoninë.”