Pas tre vitesh mungesë në tregun muzikor, Jonida Maliqi ka publikuar videoklipin e saj më të ri. Kënga me titull “N’errësirë”, është e zhanrit R&B, me tekst të Olti Currit dhe muzikë të Jonida Maliqi & Tull Productions.

Jonida ka sjellë një baladë të dedikuar për dhimbjen e humbjes së një dashurie, këngë të cilën e ka cilësuar si një pjesë të shpirtit të saj.

Pjesë e videoklipit të saj është dhe modeli i njohur Oni Pustina. Videoklipi trajton një romancë mes saj dhe ish-modelit shqiptar, teksa dyshja shihet duke bërë ecejake buzë detit, apo duke u argëtuar me foto në shtrat.

Nuk mund të mungonte në këtë krijim artistik shija e hollë e Jonidës e cila gjithmonë magjeps me daljet e saj. “N’errësirë” është kënga e parë e publikuar pasi pranoi publikisht ndarjen nga bashkëshorti i saj.