Që prej ndarjes e deri në këtë moment që po shkruajmë, Loredana dhe Mozzik kanë qenë në qendër të mediave rozë. Shpesh herë kanë folur në intervista të ndryshme në lidhje me marrëdhënien e tyre, ndërsa së fundmi janë parë bashkë në Gjermani, teksa bënin shopping në një qendër tregtare.

Duke e ditur se njerëzit dhe media janë shumë kuriozë, të dy artistët po luajnë me publikun dhe jo rrallë herë janë shfaqur në rrjetet sociale me rroba të njejta.

Ditën e djeshme Loredana ka fluturuar për në Kosovë dhe ndonëse motivet e vizitës së saj nuk dihen ende, fansat janë futur në mëdyshje dhe po aludohet shumë për një rikthim të mundshëm.

Ata janë fotografuar të dy në aeroportin e Prishtinës dhe në shoqërinë e personave të njëjtë. Sipas fansave të këngëtares, reperi ka qenë për ta pritur atë në aeroport.

Kujtojmë se pak ditë më parë, u vu re se ata ndiqen në Tik-Tok dhe fill pas këtij lajmi në media qarkulloi një video ku dyshja shihej teksa bënte shopping në Gjermani, video në të cilën Loredana komentoi një zemër. (SHIKO KËTU).