Punëtorët e rafinerisë së naftës në Fier pas protestave në lidhje me mosmarrjen e disa pagave, janë ringritur sërisht. Këtë herë ata kundërshtojnë vendimin e kompanisë për t'u zhvendosur në Ballsh për të punuar.
Ata thonë se vendimi për t'i dërguar në Ballsh bëhet pasi sipërmarrësit duan ta mbyllin rafinerinë e Fierit dhe se ata nuk besojnë se punësimi i tyre në Ballsh do të jetë serioz.
"Nuk pranojmë absolutisht këtë vendim sepse thjesht na gënjejnë. Rafineria e Ballshit ka stafin e vet dhe ne nuk lëvizim nga vendi ynë i punës,” - thanë protestuesit.