Nora Istrefi është një nga këngëtaret më të njohura shqiptare, e cila është shumë e komentuar në media që pas ndarjes nga Robert Berisha. Së fundmi, Nora ka qenë në një lidhje me Skype me emisionin “Rudina”, ku ka habitur me një detaj. Ajo mbante një unazë smeraldi në gishtin e fejesës. Pas këtij detaji, kanë nisur në rrjet aludimet se Nora është në një lidhje dhe shumë portale e bënë lajm. Këngëtarja nuk ka deklaruar asgjë, mirëpo e vërteta u zbulua shumë shpejt.

Me një vështrim në profilin e saj, pamë se ajo nuk është e re. Këngëtarja e ka pasur unazën edhe më herët në disa foto profesionale që ka publikuar në Instagram.

Këngëtarja foli edhe për ditëlindjen e saj, të cilën e festoi pak ditë më parë. Ajo u shpreh se nuk organizoi asgjë dhe nuk pati një festë për shkak të kushteve në të cilat ndodhet vendi me koronavirusin.