Në shtëpinë e “Big Brother VIP Kosova”, marrëdhëniet dhe miqësitë që krijohen mes banorëve janë ndër temat më të komentuara si brenda ashtu edhe jashtë formatit. Së fundmi, një raport që ka marrë vëmendje të madhe është ai mes Londrim Mekajt dhe Klodian Mihait.

Gjatë një bisede në shtëpi, Londrimi shprehu vlerësim të madh për Klodin, duke theksuar se ndihet me fat që ka krijuar një lidhje të tillë miqësore brenda formatit.

“Jam shumë me fat që e kam takuar një person si Klodi këtu. Në Big, me taku një person që ki aq shumë gjëra të përbashkëta, nuk ka gjë më të mirë. Me qenë me një person me nivel të ngjashëm inteligjence, me stil, me gjuhë… është tepër i aftë, i artikuluar dhe di të shprehet,” u shpreh ai.

Gjithashtu ai u shpreh se preferon të rrethohet vetëm nga njerëz pozitiv dhe të aftë, duke lënë të nënkuptohet se Klodi ka pikërisht këtë energji.