Foreground- Background një ekspozitë që përmban foto me film. Artisiti ka punuar afërsisht një vit me foto me film dhe në këtë ekpozitë janë përzgjedhur punimet më të më të bukura. Janë 32 foto që janë bërë brenda këtij viti, janë portrete, vende ku artisti ka udhëtuar të cilat ekspozohen për herë të parë për publikun.

“Kisha një dëshirë të zjarrtë të kisha një kapje të momentit dhe një kamera. Unë pashë në punën time se diçka më mungonte. Filmi ishte pjesa që më mungonte. Më pëlqen sepse ka më shumë substancë, është më dinamike , më e thellë.

Ekspozia gjithmonë ka qenë në mendje por shoqëria më tha që duhet ta bësh duhet ta bësh dhe vendosa që ta hap. Foreground- Background domethënë gjërat që janë para, që shihen shumë lehtë e ke aty para por ka dhe gjëra të tjera që duhet ta shohësh me kujdes se çfarë simbolizon për ty.

Qëllimi i ekspozitës është që të njoh njerëzit me stilim tim, nëse nga 32 foto, 1 foto pëlqehet unë e kam arritur qëllimin tim”- tha artisti Hansi Brahimasi, në intervistën për IN Tv.

Artisiti tha se shkrepja e filmave është shumë personale, ajo krijon një lidhje midis çdo shkrepje që ti bën. Kjo lidhje është shumë e vështirë për tu shpjeguar. Është ajo ndjesi kur ti je në shi apo stuhi. Zhurmën e distancës, por të duket afër sikur është për ty, si të dëgjosh shiun ose një zhurmë balene, një të qarë në errësirë apo një qarje e largët.

Në fund z. Brahimasi dha edhe një mesazh për të rinjtë ku tha se : “Të rinjtë të bëjnë atë që duan, të ndjekin atë që kanë pasion dhe me me pak iniciativë mund t'ia dalin”.