Gazeta gjermane “Der Spiegel” sapo ka zbuluar atë që mund të quhet skandali i vitit.

Një natë përpara finales së Chmapions League në Cardiff, me 3 Qershor Sergio Ramos ka dalë pozitiv në testin e dopingut, por ky fakt nuk ka dalë në dritë kurrë deri më tani.

Mbrojtësi dhe kapiteni i Real Madrid, ka dërguar një provë urine përpara ndeshjes në laboratorët e UEFA në Austri dhe pas ekzaminimit, në gjakun e tij janë gjetur dy substanca të ndaluara nga WADA(Agjencia Botërore Anti-Doping).

Një pjesëtar ekzekutiv i UEFA ka kërkuar shpjegime për këto analiza tek lojtari dhe përgjigja e mbrojtësit ka ardhur në 10 Korrik. Lojtari ka dërguar një raport të detajuar mjekësor dhe e ka shoqëruar atë me fjalinë se është ‘mjeku i ekipit ai që ka marrë vendimin për përdorimin e substancave.’

Mbrojtësi kishte marrë dy doza, njërën në shpatull dhe tjetrën në gjurin e tij, nga substancat e palejuara, të cilat lehtësojnë dhimbjet dhe japin një gjendje euforie.

Doktori i ekipit pranoi gjithçka më pas duke bërë një mea culpa për situatën, duke pranuar se i gjithi ishte faji i tij dhe nuk donte të shkelte rregullat, por në momente ekzaltimi pas fitimit të trofeut ai kishte ngatërruar emrat e substancave që kishte dërguar tek raporti i UEFA dhe nuk e dinte se ishte në kundërshtim me rregulloren.

Departamenti Anti Doping tek UEFA me këto përgjigje që mori e mbylli çështjen dhe i tërhoqi vëmendjen klubit dhe lojtarit.

Edhe agjencia e Anti Dopingut Spanjoll i janë dashur 5 muaj për ta hetuar këtë çështje dhe për të mos nxjerrë asgjë në dritë.

U desh shumë kohë që kjo çështje të dilte në dritë dhe të gjithë kanë ngritur pyetjen se kush është “dora e fshehtë” që e mbuloi ngjarjen, për të mos dalë kurrë në syrin e publikut. Nëse këto akuza vërtetohen ky mund të jetë skandali që do ndikojë shumë në karierrën e Sergio Ramos dhe imazhin e Real Madrid.