Ai është shprehur për In Tv se reforma në drejtësi është një çështje që duhet të përfundojë sa më parë.  I pyetur nga prezantuesi i emisionit, Ervin Bejleri, se si e shikon fatin e vettingut pas ngjarjes së fundit, deputeti i PS-së është përgjigjur thjesht dhe qartë. Ai është shprehur së pas kësaj ngjarje vettingu është më i fortë dhe i domosdoshëm se kurrë.

“Vettingu është më pranë se kurrë, ajo farsë që pamë me Prokurorinë në ditën e premte dhe të shtunë  në Këshillin e Mandateve, është një provë e gjallë që pse duhet urgjentisht që Shqipëria të bëjë reformën në drejtësi dhe urgjentisht duhet të fillojë vettingu, për të filluar një erë të re të drejtësisë në Shqipëri me atë që pamë”, ka thënë zoti Çuçi.