Biznesmeni 70 vjeçar u prezantua në skenë në Union Station në Washington nga Zëvendës Presidenti i tij, Mike Pence, pak para oërës 9 të darkës pas një dite shumë të zënë në kryeqytet. Në krahun e tij shkëlqente bashkëshortja e tij 46 vjeçare, Melani, e cila u shfaq me një fustan të gjatë, të artë dhe rrëzëllitës të dizejnuar nga Reem Acra. Trump mori një pamje triumfuese ndërkohë që kapi mikrofonin për një fjalim final përpara se të bëhet Presidenti i 45 i ShBA. Në mes të falenderimeve për stafin e tij dhe thumbimet për ish-rivalen Hillary Clinton, ai dhuroi dhe një batutë mbi inaugurimin e ditës tjetër që mori të qeshurat e gjithë sallës. “Mund të bjerë shumë, mund të mos bjerë shi. Nuk më bëhet vonë. Nuk ka rëndësi. Nëse bie me të vërtetë, do të jetë OK pasi njerëzit do të kuptojnë se këto janë floëkt e mi të vërtetë. Do bëhet rrëmujë, por të paktën do të shohin se janë vërtetë flokët e mi.” ishin fjalët e tij. Një mbyllje e stilit Donald Trump.