Ajo është një nga vajzat më të njohura të showbiz-it shqiptar dhe shpesh herë është përfolur për jetën e saj edhe pse jeton shumë milje larg, në Los Angeles.

Bëhet fjalë për Anxhelina Hadërgjonaj, vajzën e Albërie Hadërgjonaj. Jemi mësuar me pozat seksi të Anxhelinës në rrjetet sociale dhe prej vitesh është zhvendosur në vendin e ëndrrave, Amerikë, për të ndjekur ëndrrën e saj, muzikën. Këngëtarja e nisi karrierën muzikore në Shqipëri dhe pas një periudhe goxha të gjatë mungese , po kërkon të futet në tregun muzikor amerikan.

Pak ditë më parë Anxhelina publikoi një foto ku shfaqej me bikini mjaft tërheqëse dhe dukej sikur ajo pozë ishte shkrepur nga ndonjë fotograf shumë i njohur. Por ishte e ëma ajo e cila e ka bërë të duket mjaft e bukur. Albërija ka publikuar setin e plotë të fotove në ‘Instastory’ dhe tregon se ka qenë ajo duararta.

Epo sigurisht që mami i sheh edhe detajet më të vogla.