Ish deputeti socialist, gazetari i njohur Alfred Peza rikthehet në media. Ka qenë vetë gazetari i njohur i cili ka sqaruar rikthimin e tij në media, tashmë jo si gazetar por si botues dhe drejtues i një portali online.
Alfred Peza:
“Kam një projekt, do të rikthehem në media jo si gazetar, por si botues. Kam një projekt të mediave elektronike, një ka filluar tashmë që është alpenews.al, kam një grup shumë të talentuar vajzash e djemsh. Në ndryshim nga ne që kishim vetëm pasionin e leximit, janë shumë të dhënë edhe pas botës dixhitale. Ky projekt ka tre elementë, ka word-press që e ka çdo media tjetër, ndërsa dy dimensionet e tjera janë që ka blogun e vet, ku janë të ftuar të japin opinionet e tyre të gjithë dhe dimensioni i tretë do të jetë televizioni në web”.