Kryetarja e Lëvizjes Socialistë për Integrim, Monika Kryemadhi në një dalje për mediat e cilësoi vendimin e Gjykatës për të arrestuarit e protestës së Kukësit arbitrar dhe një dëshmi e qartë se edhe drejtësia tashmë është vënë në shërbim të kryeministrit.

Sipas Kryemadhit, sot fjala e politikës ka mbaruar dhe është populli ai që do të thotë fjalën e vet.

‘Veprimet e opozitës tashmë janë legjitime në krye të popullit që nuk do të pajtohen më me dhunën policore dhe kriminale të Edi Ramës. Ata policë që i shërbejnë pushtetit duhet të llogarisin dhe fundin e karrierës së tyre me fundin e pushtetit të Edi Ramës. Sot fjala e politikës mbaroi, tani fjalën e ka populli!”, tha Kryemadhi.