INTV NEWS SHOWBIZ MAGAZINA MUSIC MOVIES FASHION MED+ SPORTS VIDEOS
Zyrtare/Ja sa shkolla janë mbyllur prej motit të keq

Zyrtare/Ja sa shkolla janë mbyllur prej motit të keq

Publikuar më: 16:27 09-01-2019

Nxënësit e 280 shkollave në vend sot nuk kanë zhvilluar mësim. Ministria e Arsimit ka njoftuar se për shkak të motit të keq është marrë vendimi për pezullimin e mësimit në shkollat e zonave të thella dhe zëvendësimi i orëve do të bëhet në ditët në vijim.

NJOFTIMI I PLOTË:
Ministria e Arsimit, Sportit dhe Rinisë nisur nga situata atmosferike në vendin tonë për datën 9 janar 2019, bën me dije se disa Drejtori Arsimore Rajonale kanë marrë vendimin për pezullimin e mësimit në disa shkolla. Sipas raportimeve në Ministrinë e Arsimit, për funksionimin e institucioneve arsimore në arsimin parauniversitar, është pezulluar mësimi për sot në 5 drejtori dhe zyra arsimore si: Gjirokastër, Librazhd, Pukë, Tepelenë dhe Përmet. Ndërkohë që edhe në disa zyra të tjera arsimore ku disa shkolla ndodhen në zona malore, mësimi nuk është zhvilluar. Në total janë rreth 280 shkolla, që nuk kanë nisur procesin mësimor për shkak të kushteve të motit. Ndërkohë që në zonat e tjera të vendit mësimi vijon normalisht. Për ato shkolla ku sot mësimi është pezulluar, zëvendësimi i orëve do të bëhet në ditët në vijim. Ministria e Arsimit është në kontakt të vazhdueshëm me drejtorët e drejtorive arsimore, drejtues shkollash dhe prefektët e qarqeve për monitorimin dhe ndjekjen e situatës në terren.

Article Logic
Execution time: 0.003856897354126