Reperi Fero dhe modelja simpatike Arbenita Ismajli janë vënë së fundmi në qendër të vëmendjes që pasi reperi pranoi ndarjen dhe mori përsipër fajin. Edhe pse së fundmi kanë lindur dyshime se mund të jenë rikthyer bashkë, reperi në fakt i është rikthyer edhe një herë çështjes së ndarjes me modelen. Ai ka postuar në instagram një foto nga makina ndërsa mban në duar një thes që mesa duket ka të pikturuar një palë sy dhe që personifikon sipas Feros një femër.

Në foto reperi shfaqet duke puthur këtë thes dhe në formë humori shkruan: “Shikoni me kë e kam tradhëtuar Arbenitën”, ndërsa e shoqëron komentin me një emoji me gjuhën jashtë.

Por pas këtij postimi të Feros, i menjëhershëm ka qenë reagimi i Arbenitës. Modelja ka publikuar një foto të sajën ku duket shumë tërheqëse. “Unë nuk jam ishi askujt. Të gjithë ata janë të vdekur për mua”, ka shkruar Arbenita në këto foto të saj, duke iu drejtuar Feros.