Ish-banori i “Big Brother VIP 5”, Keijsi, ka reaguar për herë të parë publikisht pas përjashtimit nga gara përmes zarfit të zi, një nga vendimet më të forta të këtij edicioni.

Pas daljes nga shtëpia më e famshme në Shqipëri, ai ka zgjedhur të flasë hapur për përvojën e tij dhe për arsyet që çuan në këtë vendim. Keijsi ishte i ftuar këtë të martë në emisionin “Shqipëria Live”, ku u shpreh se nuk ndihet i penduar për veprimet e tij gjatë qëndrimit në reality show.

Gjatë intervistës, ai theksoi se reagimi i tij nuk ka qenë i nxitur, por i ndërgjegjshëm, duke e lidhur situatën me mënyrën se si, sipas tij, një mashkull nuk duhet t’i drejtohet një femre.

Pjesë nga intervista:

A mendon që u nxite?
“Jo, nuk jam nxitur, por mënyra se si iu drejtua një mashkull një femre nuk ishte e drejtë. Një mashkull nuk mund t’i drejtohet një femre ashtu.”

Kur hyri zarfi i zi në shtëpi, e kuptove që ishte për ty?
“E dija.”

Je penduar?
“Jo.”

A mund të kishe bërë diçka ndryshe?
“Jo, e kam bërë çdo gjë me koshiencë. Kam vepruar siç e kam ndjerë, që nga dita e parë deri në fund.”

E shijove eksperiencën?
“Shumë, jashtë mase shumë. Është një mundësi që të vjen një herë në jetë. Je në izolim, por jo tamam në izolim.”

A u mërzite që dole me zarf të zi?
“Që dola po, jo me zarf të zi.”

Në intervistën e tij, ish-konkurrenti ka zbuluar më shumë detaje rreth marrëdhënies me Stelinën dhe Inën, dy nga personazhet më të përfolura të historisë së tij brenda BBV.

Sa i përket Stelinës, Keisi u shpreh se raporti mes tyre ka përfunduar përfundimisht. Ai theksoi se shkëputja ka ardhur si pasojë e pasigurisë dhe një krisjeje të madhe që ndodhi pas hyrjes së Inës në shtëpi.

“Pasi hyri Ina, me Stelinën patëm një krisje të madhe, për pritjen që unë i bëra. Puthja me Inën ndodhi vetëm një herë, në atë video që është transmetuar.

Ina nuk ka hyrë mes meje dhe Stelinës. Me Stelinën jam shkëputur për arsye pasigurisë, siç ndodhi dhe aty.” u shpreh ai, duke shtuar se Stelina, sipas tij, “erdhi me tendencë, u nis nga dëshira dhe përfundoi me tendencë”.

Ndërkohë, lidhur me Inën, Keisi deklaroi se do ta vazhdojë njohjen me të jashtë shtëpisë së BBV. Ai sqaroi se puthja mes tyre ka ndodhur vetëm një herë dhe është ajo që është transmetuar në video, ndërsa Ina nuk kishte dijeni për ekzistencën e saj.

Keisi u ndal edhe te mënyra se si është trajtuar Ina gjatë lojës, duke theksuar se ajo është goditur rëndë në aspektin moral.

“Në aspektin moral, e goditën shumë. Sikur ajo është një njeri i pavlerë. Ina nuk ka hyrë mes meje dhe Stelinës,” tha ai.

Në përfundim, Keisi ritheksoi se me Stelinën çdo gjë ka marrë fund, ndërsa raporti me Inën do të vazhdojë jashtë kamerave.