Studentët që protestojnë tek Fakulteti i Historisë dhe Filologjisë i kanë dërguar një kërkesë zyrtare dekanit Sabri Laçi, ku theksojnë të drejtën e tyre themelore për të protestuar. Ata shprehen se kanë mbërritur në formulimin e kësaj kërkese pas ngjarjeve të ndodhura së fundmi në ambientet e fakultetit . Ata kanë ndalur tek presioni që po ju bëhet nga disa prej pedagogëve të këtë institucioni, tek vendimet e Asamblesë që i qujanë dhe për disa student, që tentojnë ti pengojnë për të protestuar.

Studentët kërkojnë konkretisht nga dekani: mosnjohje të asnjë mase disiplinore ndaj studentëve nisur nga data 5 dhjetor dhe në vazhdim, garantim të barazisë mes studentëve që zgjedhin të bojkotojnë mësimin deri në plotësim të kushteve të panegociueshme dhe studentëve që zgjedhin të frekuentojnë mësimin. Po kështu kërkojnë trajtim të barabartë të “studentëve të bojkotit” në sezonin e provimeve me ata që zgjedhin frekuentimin e mësimit, por dhe garanci për mosdjegie të vitit akademik 2018-2019.