Në seancën e sotme parlamentare opozita mungoi sërisht. Po u shigjetua dhe në mungesë, ku ra në sy deklarata e deputetes, Erisa Spiropali që i kushtoi dhe një dramë.
Si fillim e nisi me çështjen e Teatrit. Ajo tha se nëse në Teatrin e ri Kombëtar opozita do vinte një shfaqe teatrale, ai që i shkon më për shtat është Makbethi.
“Gjuha e helmatisur e opozitës zbardh të zezën dhe nxin të bardhën. Gjuha e opozitës është një gjuhë primitive që shkatërron besimin e njerëzve tek politika. Shkatërron besimin e njerëzve që kanë shpresë. Ata bëjnë një politikë antikombëtare, që synon të shkatërrojë gjithçka,” akuzoi Spiropali.