Koordinatori i Bindjes Demokratike Astrit Patozi ka ftuar publikisht nga ekrani televiziv deputeten Rudina Hajdari, që ti bashkohet kësaj partie.

I ftuar në Abc News, Patozi është shpehur se Rudina është e mirëpritur te Bindja dhe duke nisur që nga sot e deri kur të mendojë se duhet ti bashkohet këtij projekti. Patozi pohoi se kjo parti nuk ishte vetëm ide e tij, por e shumë njerëzve.

Astrit Patozi për Rudinën: Jemi takuar bashkë, kemi diskutuar dhe për këtë projekt të ri politik. Ajo është e mirëpritur çdo ditë që nga sot deri kur ta mendojë tek ky projekt sepse nuk është projekti im, por i shumë njerëzve. Është në të drejtën e saj sepse njeriut i duhet lënë koha për të gjetur dhe ai momentin e vetë.

Mirela Milori: Pra keni bërë një ofertë të hapur?

Astrit Patozi: Unë kam bërë ofertë të hapur dhe kam dëgjuar idetë e saj. Ne të dy kemi qenë dakord që Shqipëria ka nevojë për një gjë të re politike, për një shkundje të sistemit, për ndryshimin e sistemit. Ne jemi në një periudhë të errët të demokracisë. Ne donim që në këtë çmenduri politike të ishim një 'shkëndijë' që të thonim që ka edhe një arsye në këtë mes.