Një objekt rreth 30 metër i lartë është shembur me shpërthim të komanduar në Tiranë, në kuadër të projektit të bulevardit të ri të Tiranës. Sipas të dhënave, Inspektorati Kombëtar për Mbrojtjen e Territorit kreu shpërthimin e telekomanduar me eksploziv të objektit ushtarak, në të cilin janë hapur plot 120 vrima, ku u vendosën lëndë shpërthyese C4. Mësohet se për të shembur ndërtesën e lartë, në trupin e objektit, janë vendosur 10 kilogramë lëndë shpërthyese C4.
Drejtuesja e IKMT tha se ekspertët kishin bërë studimin dhe kanë vendosur që rrëzimi i këtyre tre ndërtesave të jetë i pjesshëm.
Dallëndyshe Bici:
“Është bërë studimi dhe ekspertet kanë thënë se kjo ishte mënyra më e mirë për të rrëzuar 3 ndërtesat rreth 30 metra të larta. Kjo ishte mënyra më e mrië për të rënë objekti për shkak të lartësisë së objektit. Mjetet të rënda të Inpektoriatit tashmë po punojnë në këmbët e objektit. Ndërkohë puna po vazhdon akoma për pastrimin e plotë.
Njoftimi i IKMT:
“Inspektorati Kombëtar i Mbrojtjes së Territorit do të shembë me shpërthim të kontrolluar një objekt të përbërë nga tri kulla. Lartësia e objektit mendohet të jetë rreth 30 metra. Specialistët e IKMT me mbështetjen e xhenierëve nga Ministria e Mbrojtjes, janë duke kryer procedurat e fundit para shpërthimit që mendohet të kryhet ditën e enjte. Në trupin e objektit, i cili do të shembet në kuadër të projektit të bulevardit të ri të Tiranës, do të hapen 120 vrima ku mendohet të vendosen 10 kilogramë lëndë shpërthyese C4”.