Prej dy ditësh mediat rozë kanë aluduar për një ndarje të mundshme midis aktorit Bes Kallaku dhe këngëtares Xhensila Myrtezaj. Në 5-vjetorin e martesës së tyre, dyshohet se marrëdhënia e çiftit është krisur. Nuk dihet nëse bëhet fjalë për një krisje momentale apo për një përfundim të marrëdhënies.

Burime pranë çiftit kanë konfirmuar se ata po kalojnë një periudhë të vështirë për shkak të mosmarrëveshjeve. Përflitet se këngëtarja është larguar nga shtëpia e tyre së bashku me të bijën Ajkën.

Gjatë kohëve të fundit, burime nga emisioni ku është i punësuar aktori, kanë deklaruar se ai është parë në gjendje të rënduar emocionale, i përplotur, duke patur vështirësi në përqendrim gjatë xhirimeve të programit.

Ne nje video te publikuar, Xhensila tregon se nuk ndodhet me familjen për shkak të një koncerti në Kosovë. 

Ndërkohë aktori Bes Kallaku ka postuar një foto nga Gjiri i Lalzit, larg Xhensilës pë Krishtlindje. Ata ende nuk kanë folur se cfarë po ndodh në të vërtetë mes tyre dhe a janë të vërteta lajmet e publikuar në media. 

Këngëtarja po ashtu i ka dedikuar bashkëshortit të saj këngën “Çelësi i Zemrës”, që u kthye në hit, por nuk dihet nëse çifti do e gjejë këtë radhë çelësin e marrëdhënies së tyre.

Që prej publikimit të lajmit në disa media nuk ka pasur asnjë reagim nga asnjëri prej dy artistëve.