Këngëtarja e njohur, Beatrix Ramosaj, ka publikuar së fundmi këngën e saj më të re që mban titullin, “Ma shumë se ti”. Fansat janë të bindur se kënga është një dedikim për ish-të dashurin, Donald Veshaj, me të cilin u lidh brenda shtëpisë së “Big Brother VIP”, por që u ndanë menjëherë pas programit. 

“S’e kam menduar që je kaq idiot, lotët e mia nuk i meriton”, thotë Beatrix gjatë këngës. Por jo vetëm kaq, pasi përmes vargjeve të këngës ajo shprehet se “ai e ka përdorur” ndërsa “ajo e ka dashur.”

Megjithatë, Beatrix thotë se dikur do të gjejë dikë “që e do, dhe e respekton më shumë se ai.” Në klip përpos tekstit, u komentua edhe dukja e veçantë “Catwoman” e artistes 27-vjeçare.

Kjo paraqitje e ish-banores së “Big Brother VIP” në total kushton 1093 euro, ku kostumi kap vlerën e 549 eurove, maska në fytyrë kushton 277 euro dhe dorezat 267 euro.