INTV NEWS SHOWBIZ MAGAZINA MUSIC MOVIES FASHION MED+ SPORTS VIDEOS
Pas 6 muaj në ajër tre astronautë zbresin në tokë

Pas 6 muaj në ajër tre astronautë zbresin në tokë

Publikuar më: 12:02 22-12-2018

Tre anëtarë të ekuipazhit të Stacionit Ndërkombëtar të Hapësirës pas 197 ditë në ajër u kthyen me sukses në Tokë. Ata përfunduan një misionin të rëndësishëm.
Komandanti gjerman, Alexander Gerst, astronautja amerikane Serena Aunon-Chancellor, si dhe kozmonauti rus, Sergei Prokopyev, u ulën në tokë me sondën kozmike Soyuz në kozmodromin Zhezqazghan të Kazakistanit.
Ata qëndruan në Stacionin Ndërkombëtar të Hapësirës për të kryer disa eksperimente. Më 11 dhjetor, kozmonautët Oleg Kononenko dhe Sergei Prokopyev kryen një ecje në hapësirë dhe morën mostra jashtë stacionit.
Pas përfundimit të misionit komandanti gjerman, Alexander Gerst, ia dorëzoi komandën e stacionit, kozmonautit rus, Oleg Kononenko. Kononenko, Anne McClain nga Shtetet e Bashkuara dhe David Saint-Jacques nga Kanadaja mbërritën në Stacionin Ndërkombëtar të Hapësirës në fillim të dhjetorit, ku dhe do të qëndrojnë për gjashtë muaj.

Article Logic
Execution time: 0.0031428337097168