Dhjetra trupa, përfshirë ato të militantëve dhe civilëve, janë gjetur në një varr masiv në Raqqa, në ish-kryeqendrën e ISIS, në veri të Sirisë.

Lajmi është konfirmuar nga një zyrtar i qytetit, Abdallah al-Eriane në Këshillin Civil të Raqqa që tani po drejton qytetin.

Pothuajse 50 trupa janë gjetur tashmë nga varri masiv, i cili mund të përmbajë deri në 200 kufoma, raporton newsbomb.al.

ISIS, i cili shpalli një "kalifat" në këtë zonë të Sirisë dhe Irakut në vitin 2014, ka humbur pothuajse të gjithë tokën që kontrollohej dikur.

Varri masiv është gjetur poshtë një fushe futbolli, pranë një spitali ku militantët ishin strehuar para se të largoheshin nga qyteti.