Presidenti i Republikës, Ilir Meta, gjatë një koncerti bamirësisë me qëllim mbledhjen e të ardhurave për të ofruar shërbime për mbrojtjen dhe riintegrimin e viktimave të trafikimit dhe dhunës ka dhënë një deklaratë të fortë. Ai tha se duke u nisur nga rastet e fundit tragjike të studentes Murati dhe gjykatëses Hafizi, e shumë të tjerave të ngjashme ka vendosur se nuk do të trajtojë me falje të dënimit, asnjë person i cili është dënuar për dhunë në familje dhe njëkohësisht do kundërshtojë çdo amnisti të veprave penale të dhunës në familje apo të lidhura me to.