Ministri i Brendshëm, Sandër Lleshi ka shprehur habinë sot në Parlament për procedimet penale të njoftuara ditën e djeshme ndaj studentëve dhe pedagogëve. Ai tha se nuk është aspak e vërtetë që është proceduar penalisht ndonjë pedagogë dhe studentë. “Dje ka qarkulluar një lajm për fillimin e procedimeve penale për studentët dhe pedagogët. Edhe miqtë e mi pedagogë më kanë shqetësuar dje dhe në momentin e parë që kam pasur mundësi i kam kërkuar policisë informacione për këtë. Për befasinë time, ky është lajm i pavërtetë. Nuk ka pasur asnjë procedurë ndaj asnjë pedagogu dhe studenti”, deklaroi ai.