Policia angleze më në fund mori një vendim për Mohamed Salah, pas publikimit të videove në makinë pranë qendrës stërvitore të klubit, në një kohë që mbante telefonin në dorë.

Ai nuk do të ndiqet penalisht dhe policia e Merseyside në Liverpool doli me një deklaratë zyrtare: ““Mund të konfirmojmë se një person 26-vjeçar është marrë në pyetje nga policia në lidhje me një incident në Arkles Lane, në Liverpool, më 12 gusht 2018. Janë zhvilluar hetime dhe nuk ka prova të mjaftueshme për të nisur një procedim penal, ndaj nuk do të ketë masa të mëtejshme. Personi në fjalë ka folur me oficerët e policisë dhe është këshilluar si të veprojë me telefonin kur është në një automjet”.”

Në Angli u bë shumë zhurmë për pamjet kur Salah jepte autografe nga xhami i makinës dhe ndërkohë përdorte celularin, ndaj vetë Liverpool vendosi që të denonconte ngjarjen në polici, për të kërkuar sqarime nëse ylli egjiptian kishte shkelur ligjin.