Në vitet e para të karrierës së tij, Messi e provoi se ishte një talent special, por të gjithë e vunë në dyshim nëse ai do të vazhdonte të qëndronte në të njëjtat levele perfeksioni edhe më vonë.

Në adoleshencën e tij, lojtari njihej si personi që adhuronte pijet e gazuara, fast-food-et dhe mishin. Me kalimin e viteve dieta e tij ka ndryshuar në mënyrë drastike, gjë që e ka lejuar atë të jetë në formën e tij më të mirë edhe në moshën 31 vjeçare.

Të gjithë trajnerët e mëparshëm thonin se Messi kishte mjaft probleme me ushqimin dhe gjithmonë e tepronte, por tani ai e ka kuptuar se atë që trupi mund të përpunojë në moshën 19 vjeç, nuk është njësoj si në moshën 27.

Gjatë ndeshjes me Tottenham, Lionel Mess-i vërtetoi dhe njëherë se ai në moshën 31 vjeçare është në top formën e tij. Duke vrapuar 9.86km në fushë, vetëm Jordi Alba kishte më shumë km se ai.