Tërmeti tragjik i 26 nëntorit u ka marrë jetën 51 persona dhe ka plagosur 913 persona. Të shumtë janë personazhet publikë që kanë kontribuar me shuma monetare për rikonstruktimin e shtëpive që u prishën nga ky tërmet. Njëri prej këtyre personazheve është edhe familja Fejzullahu, e cila dhuroi 100 mijë euro për të prekurit nga tërmeti, një gjest që preku shumë njerëz. Në mes të viktimave ishin dhe dy vëllezërit Abazi nga Gjilani, të cilët po qëndronin në Durrës për punë dhe humbën jetën në një nga hotelet që u shemb. Fatkeqësisht, ata lanë pas 6 fëmijë. Së fundmi, Ermali ka bërë të ditur se në këtë shumë që ka dhuruar, do të kujdeset që të ndërtohet shtëpia Abazi dhe do t’u qëndrojë pranë familjarëve.