Alvisa, një nga konkurrentet e “Për’puthen”, është duke u shantazhuar me video për të lënë emisionin dhe të ndërpresë në mes njohjen e me Bashkimin. Alvisa pasditen e sotme u shpreh e shqetësuar për videot dhe kërkoi që të lërë emisionin.

Alvisa: Kanë qenë ditë shumë të vështira. Më kanë ardhur disa video që kam qenë unë me Bashkimin dhe më kanë thënë ose duhet të lësh emisionin, ose do t’i publikojmë. Nuk mund ta vazhdoj dot më.
Bora: Nuk është mirë që një vajzë të shantazhohet. Ku ka më mirë se të dashurohesh.
Alvisa: Mund të qetësohem pak dhe të vazhdojmë më vonë… Unë dua të vazhdoj jetën time e qetë dhe janë disa gjëra që nuk më lënë ta vazhdoj, Janë situata më të thella nga se duken.
Bora: Do ta vazhdosh njohjen me Bashkimin?
Alvisa: Është një nga arsyet. Kam pëlqim për Bashkimin është thënë, jam gati për të deklaruar, por nuk dua të vihem në presion dhe dua t’i bëj gjërat kur unë i ndjej. Nuk jam e sigurt nëse duhet të deklarohem tani, dua të marr vendime shumë të sakta për jetën time dhe nuk dua të bëj gabime që më herët i kam bërë.

Mirëpo ajo çfarë nuk kuptojmë është se pse ky shantazh po e bën Alvisën që largohet, nëse nuk bëhet fjalë për video intime, kur njërën prej videove Alvisa e ka treguar vetë?!

Në studiou publika video që vetë Alvisa i kishte dhënë produksionit, me të cilën pretendon se është shantazhuar.

Në video duket Alvisa dhe Bashkim, në cepin e një pallati duke biseduar. Bashkimi sqaroi se takimi është kërkuar nga ai dhe ka ndodhur në momentin që ai ka ardhur nga Amerika.

Arjani: Është një takim, është thyerje e rregullores por nuk do ta quaja aq alarmante.

Bashkim: E kam fajin edhe unë, sepse unë isha ai që e kërkova. Atë faj e marr unë përsipër. Është për Alvisën se kam pëlqim, nuk do e bëja me një person që nuk ka një gjë reale. Kjo ka ndodhur kur kam ardhur nga Amerika dhe kisha kohë që se kisha parë.

Alvisa: Nuk është vetëm kjo video, janë edhe video të tjera, sepse me sa kam kuptuar unë kam qenë në ndjekje. Në momentin që unë shoh këto video kuptoj që kam qenë në ndjekje, sepse një person nuk mund të më bëjë më shumë se një video. Ne të gjithë e kemi shoqëruar njëri-tjetrin në shtëpi, por pse më vijnë mua më shumë se 3-4 video. Më duket e çuditshme dhe e di shumë mirë që përveç kësaj do ketë edhe të tjera. Mund të jenë video kur kemi qenë në makinë.