Ish-banorja e Big Brother VIP Albania, Edisa Demollari, ka folur për rrugëtimin e saj në shtëpinë më të famshme në Shqipëri, si dhe për jetën e saj personale pas daljes nga programi.

Gjatë intervistës, ajo është ndalur edhe te deklarata e saj e mëparshme ndaj opinionistit Arjan Konomi, e bërë në rrjetet sociale, e cila shkaktoi reagime të shumta.

Kujtojmë se përmes një postimi në Instagram Story, Edisa publikoi videon e momentit kur Arjani i kthehet me tone të larta duke i thënë se “e vetmja gjë që ajo di të bëjë është spërdredhja”, dhe e cilësoi opinionistin si gay.

E pyetur nëse ka pasur kontakt me të pas situatës, Demollari u shpreh se nuk kanë komunikuar, ndërsa ka kërkuar ndjesë për mënyrën se si është shprehur.

Ajo pranoi se reagimi i saj ka qenë i momentit dhe i ndikuar nga emocionet, duke theksuar se nuk është plotësisht e penduar për ndjenjën që ka shprehur, por për zgjedhjen e fjalëve. Sipas saj, në atë situatë do të kishte qenë më e kujdesshme në komunikim.

Edisa shtoi se reagimi i saj ka qenë instinktiv dhe i lidhur me ndjeshmërinë e momentit, duke pranuar se ende po mësohet me dinamikat e botës së spektaklit dhe ekspozimit publik, ku jo gjithçka duhet marrë personalisht.

Vetë Arjan Konomi, i pyetur për deklaratat e Edisës, u shpreh: Mund të mendojë çfarë të dojë.