Luizi dhe Kiara duket se po shkojnë drejt konsolidimit si çift brenda shtëpisë së "Big Brother Vip Albania".

Këngëtari ia ka shprehur hapur ndjenjat e tij moderatores, ndërsa kjo e fundit i ka kërkuar ende kohë për t'i dhënë një përgjigje konkrete. Për përqafime dhe puthje me njëri-tjetrin nuk janë kursyer, por ende mungon puthja në buzë.

Së fundmi, "Vëllai i Madh" iu ka vënë si provë javore për t'u kujdesur për bebi Arbanën në dhomën e veçantë dhe banorët janë të ndarë në çifte ku një prej tyre është Luizi me Kiarën.

Por, tek dhoma e bebi Arbanës, tualetet e dusheve nuk janë nën vëzhgimin e kamerave dhe Luizi e ka shfrytëzuar për të bërë dush, por dhe për të futur në një kurth Kiarën.

Ai i ka kërkuar Kiarës që t'i çonte mikrofonin, me arsyetimin se nuk dilet dot për shkak se ishte i zhveshur, por duket se pa rroba ka dalë edhe para Kiarës. Të paktën këtë gjë la reagimi i moderatores, i cili tentoi të mbyllte sytë me duar.