INTV NEWS SHOWBIZ MAGAZINA MUSIC MOVIES FASHION MED+ SPORTS VIDEOS
Denoncimi nga Amerika, Cristiano Ronaldo akuzohet për përdhunim

Denoncimi nga Amerika, Cristiano Ronaldo akuzohet për përdhunim

Publikuar më: 15:44 28-09-2018

Një grua nga Shtetet e Bashkuara të Amerikës ka bërë një akuzë serioze kundër Cristiano Ronaldo. Sipas Kathryn Mayorga, ylli portugez e ka përdhunuar atë në Las Vegas, në 2009-ën.

Më vonë, gjithmonë sipas 34-vjeçares, ai e ka paguar atë 375 mijë dollarë për të qëndruar në heshtje. Tani, siç ka bërë të ditur portali “Der Spiegel”, avokati e saj ka vënë në diskutim vlefshmërinë e asaj marrëveshjeje dhe ka bërë një denoncim në gjykatën e Nevadës.

Mayorga ka folur për herë të parë në lidhje me atë takim të zhvilluar me Ronaldo-n nëntë vite më parë dhe ka dhënë versionin e saj në lidhje me atë që kanë ndodhur në dhomën e hotelit.

Sipas saj, Cristiano e ka përdhunuar atë në rrugë anale. Më pas, ai e ka pyetur nëse ajo ndiente dhimbje. “Më mbrapa ai është ulur në gjunjë dhe më ka thënë se ishte me 99 për qind një djalë i mirë, me përjashtim të 1 përqindëshit”.

Sipas Ronaldo-s, marrëdhënia nuk ka qenë e forcuar, por denoncimi i bërë nga avokati i Mayorga-s bazohet te një dokument, ku përfshihet përshkrimi i futbollistit në lidhje me atë që ndodhi atë natë. Këto kanë qenë fjalët e Cristiano Ronaldo-s, sipas dokumentit: “Ajo tha jo dhe ndal disa herë”.

“Der Spiegel” ka qenë e para që ka publikuar akuzat për përdhunim një vit e gjysmë më parë. Ajo histori ishte bazuar te një dokument që i është dhënë revistës nga “Football Leaks”.

Article Logic
Execution time: 0.0032229423522949