Pas zbulimit të laboratorit të drogës në Has, ish-kryeministri i vendit Sali Berisha, ka publikuar një denoncim në profilin e tij të Facebook lidhur me shefin e komisariatit të Hasit.

Laboratori i drogës në Has, u cilësua si "Xibraka 2", për nga madhësia dhe përfshirja e personave.

Zbulimi i tij vazhdoi me një efekt domino me të arrestuar të shumtë nga Hasi deri në Shijak.

Pas arrestimit të grupit të Avdylajve në Shijak, u bë me dije se ky grup ishte porositësi i kokainës ku i përfshirë ishte edhe Lul Berisha me nipat e ish-deputetit socialist Ndoka.

Në mesazhin e publikuar në profilin e Berishës, nga qytetari digjital, thuhet se shefi i komisariatit të Hasit është arratisur në Londër.