Dana White është njeriu që e ngriti sportin e UFC në nivele ndërkombëtare dhe mund të themi pa frikë se ka një sy mjaft kritik përsa i përket talenteve të reja.
Ai është shprehur në një deklaratë të tij, se “ylli” i ardhshëm i UFC-së do të jetë Israel Adesanya. Në eventin UFC-230, Adesanya mundi me “KO teknik” Derek Brunson, duke hedhur kështu kandidaturën për titullin kampion në peshën e mesme. Duel që mund ta zhvillojë vitin e ardhshëm.
I pamposhtur në kafaz në 15 duele të zhvilluara në artet marciale mikse, Israel Adesanya po tërheq gjithnjë e më shumë vëmendjen e fansave.