Sfida kryesore do të zhvillohet midis Interi-t dhe Barcelonës, në “San Siro”. Kjo ndeshje “titanësh” ka thyer edhe rekordin për arkëtime nga një ndeshje me 78 mijë bileta të shitura. Spaletti do përpiqet t’i “vjedhë” Barcelonës, një barazim sot, ndërkohë që katalanasit po përpiqen të marrin fitoren e rradhës për tu kualifikuar në fazën tjetër. Valverde ka grumbulluar edhe Leo Messi-n në këtë ndeshje, i cili është i pasigurtë nëse do të luajë.

Ndërkohë, sytë janë edhe tek PSG-Napoli, një sfidë ku përballet një skuadër e mbushur me “yje”, me një ekip të drejtuar nga një strateg shumë dinak si Ançelotti.

Liverpooli shkon në Beograd për sfidën me Yllin e Kuq (Crvena zvezda) pa Xherdan Shaqirin. Trajneri Jurgen Kloop në konferencën për shtyp tha se ishte politika ajo që ndikoi në këtë vendim të tijin.

Ndërkohë, Atletico Madrid pret Borussian e Dortmundit. Skuadra gjermane siguron vendin e parë në grup me një fitore, ndërsa ajo spanjolle do të kërkojë që të hakmerret për humbjen 4-0 të pësuar përpara dy javësh në Gjermani.