Selin ka rikthyer në qendër të vëmendjes raportin e saj me Mirin, duke ndezur një debat të ri mes banorëve brenda shtëpisë. Deklarata e saj ka nxitur diskutime, pasi ajo la të kuptohet se ka dyshime për marrëdhënien që ai ka jashtë formatit me partneren e tij.

Gjatë një bisede me banorët e tjerë, Selin u shpreh se disa sjellje dhe deklarata të Mirit gjatë qëndrimit në shtëpi e kanë bërë të vërë në pikëpyetje raportin e tij jashtë. Sipas saj, perceptimi është krijuar nga mënyra se si ai është sjellë ndaj saj në situata të ndryshme.

“Mua më ka shkuar mendja që Miri jashtë me partneren e tij nuk ka një marrëdhënie korrekte”, u shpreh Selin.

Deklarata e saj solli reagime të ndryshme te banorët: disa kërkuan më shumë sqarime, ndërsa të tjerë zgjodhën të mos komentojnë mbi jetën personale të artistit jashtë shtëpisë.

Nga ana tjetër, Miri ka qenë i prerë që në fillim të qëndrimit të tij në shtëpi, duke theksuar vazhdimisht se raporti i tij me Selinën është thjesht familjar. Ai është shprehur se e sheh Selinën si vajzën e tij dhe ka mohuar çdo nënkuptim tjetër për marrëdhënien mes tyre.