Vëllai i Madh ka sfiduar një ditë më parë banorët e shtëpisë më të famshme në Shqipëri. Ata do të përballeshin me situata të pazakonta në “Big Brother VIP 3” dhe që nuk duhej të reagonin.

Për disa nga banorët kjo ka qenë një sfidë paksa e vështirë, pasi në shtëpi kanë hyrë familjarë të tyre apo kanë dëgjuar zërin e të afërmve të tyre.

Dje në shtëpinë e BB VIP ka hyrë moderatorja e njohur, Bora Zemani, e cila është njëkohësisht edhe kunata e Romeo Veshajt. E kaq ka mjaftuar dhe aktori ka shpërthyer në lot. Edhe pse Bora iu afrua afër e madje edhe e përqafoi, ai nuk i fliste dot.

“Hey, gjysma e gjysmës sime”, e përshëndet Bora, kunatin e saj, duke mos marrë asnjë përgjigje.

Banorët e tjerë nuk kanë reaguar gjithashtu për praninë e Borës, duke i qëndruar stoikë rregullave.