Ironitë e bëra nga kryeministri Edi Rama për blogerët që dalin në protestë dhe kërkojnë dorëheqjen e tij, ka reaguar një nga influenceret e njohura të rrjeteve sociale, Dea Mishel.

Pas replikës që Mishel ka bërë me kryeministrin Rama, duke i kujtuar se ka në Parlament deputete si Zegjineja, për të cilën është shprehur se nuk di as të numërojë, ka reaguar edhe vetë deputetja e PS.

Deputetja e Fierit ka zgjedhur t’i shkruajë vetë influenceres në rrjetet sociale, duke e quajtur “shëmtirë”.

“Të bësh ironi ti, shëmtirë, është fundi i botës”, i ka shkruar Zegjineja Deas.

“Hahahah o yll, je fiks çfarë pres nga një analfabete funksionale. Unë dhëmbët i drejtova, prandaj s’po e marr personale. Ti si e ke planin, do mësosh shqip?”, i është përgjigjur Dea deputetes.

“Përshëndetje kryeministër. Unë i njoh shumicën e influencereve dhe janë goca me shkollë të lartë, ndryshe nga kabineti yt. Të lutem, mos bëj ironi me ne kur ti ke futur në kabinet Zegjinenë, e cila nuk di të numërojë, të shkruajë shqip. Nuk di as të përdorë ChatGPT”, ishte replika që Mishel kishte bërë më herët në rrjetet sociale pas deklaratës së Ramës.