Një 41-vjeçar që dyshohet se ka kryer vepra të turpshme me vajzën e tij të mitur 12 vjeç është arrestuar. Ai ishte shpallur në kërkim nga policia e Fierit në datë 28.06.2017, pasi akuzohet se ka ngacmuar seksualisht të miturën. Menjëherë pas denoncimit të kryer në Komisariatin e Policisë së Fierit ky shtetas është vënë në kërkim.

Mësohet se materialet për këtë rast i kanë kaluar Prokurorisë pranë Gjykatës së Shkallës së Parë Fier, për veprën penale “Vepra të turpshme”, parashikuar nga Neni 108  i Kodit Penal.