Jo rrallë herë ndodh që kur vjen fundi i sezonit televiziv, hapet një “merkato” e nxehtë për gazetarët dhe moderatorët që kalojnë nga një televizion në një tjetër dhe emri “nxehtë” i kësaj merkatoje siç duket është Ermal Mamaqi.

Në shumë media online është shkruar se moderatori do të largohet nga TV Klan dhe dyshimet i shtoi më shumë postimi i televizonit ku programi i moderatorit nuk bënte pjesë.

Duke qenë se ai mungonte në spotin e ri, të gjithë shpejtuan për të dalë në konkluzionin se Ermali do të largohet nga televizioni. Por revista “Class” raporton se Ermali ka angazhime të reja këtë vit. Sipas burimeve për revistën, moderatori do të vijojë të jetë pjesë e televizionit, me “Xing”-un e tij, vetëm se me një ndryshim të vogël. Ai nuk do të nisë transmetimin këtë sezon, pra në prag vjeshte, por në janar, me siguri pasi të ketë mbaruar xhirimet e filmit të tij të tretë. “I love Tropoja”.