Një rast i rëndë mendohet se ka ndodhur në një fshat të Vlorës.

Mësohet se një 11-vjeçare është ngacmuar seksualisht nga mësuesi i saj. Një denoncim të tillë familja e ka dhënë për mediat duke u shprehur se i trembej opinionit publik.

“Ngjarja ka dy muaj që ka ndodhur, por hezituam për shkak të opinionit. Vajza është thirrur nga mësuesi në klasë dhe më pas ai e ka puthur në buzë’ është shprehur nëna për mediat.

Ende nuk bëhet i ditur emri i mësuesit që akuzohet dhe në çfarë shkolle ka ndodhur e gjitha kjo, pasi policia ka nisur hetimet paraprake për të vërtetuar ngjarjen.

Sipas familjarëve edhe Drejtoria Arsimore ka dijeni për rastin por nuk ka bërë asgjë.