Fahriye Evcen dhe Burak Ozcivit janë ndër çiftet më të komentuar në showbizin turk. Së fundmi, aktorja ka publikuar një fotografi në Instagram në të cilën shihet se nuk ka përdorur asnjë produkt kozmetik për të mbuluar “defektet” në fytyrë, madje si diçiturë shkruan se nuk ka pasur nevojë as për ndërhyrje kirurgjikale, as për grim apo filtera, duke lënë të nënkuptohet se është e bukur vetë. Ky postim erdhi pas akuzave të “CNN” turk, i cili i publikoi disa foto ku tregonte operacionet plastike që ka bërë.

Por në komentet e shumta ku komplimentonin Fahriyen ishte edhe ai i bashkëshortit të saj, i njohur si “Kemal”, i cili ka shkruar "Ja pra" duke treguar edhe një herë se si e mbështet partneren e tij.