Nëse ka një ndër sherret më të komentuar në mediat ndërkombëtare është ai mes Pusha T dhe Drake, i cili është akuzuar se ka kopjuar këngët e Pusha T. Mirëpo ky i fundi i ka çuar akuzat më tej, pasi e akuzon Drake se është bërë baba dhe nuk pranon fëmijën e tij. Në këngën e publikuar së fundmi ai thotë :

“Sophie e di më mirë, pasi është nëna e fëmijës tënd. Pastroi ‘Instagramin’, por prapë vjen erë. Ti po fsheh një fëmijë. Duaje atë fëmijë, respektoje atë vajzë dhe harroje që është një pornostar, lëre të jetë bota jote.”

Sophie Brussaux nuk është emër i panjohur, pasi vitin e kaluar ajo deklaroi se ishte shtatzënë me Drake dhe ai nuk e pranoi fëmijën, madje i hodhi poshtë këto akuza. Ajo e lindi fëmijën e saj më 24 tetor të vitit të shkuar në Francë, në të njëjtën ditë kur ka lindur edhe Drake.