Ndonëse jo një e dielë e zakonshme, përsëri politikanët tanë kanë vendosur ta ndajnë atë me të dashurit e tyre të zemrës. Të drejtuar në qendrat përkatëse të votimit, shumë nga emrat e njohur të politikës shqiptare janë shoqëruar nga bashkëshortja, bashkëshorti, prindërit, vëllezërit apo edhe fëmijët. 

Duke nisur që nga kryeministri, Edi Rama, i cili teksa dha votën e tij pranë një shkolle në Surrel u shoqërua dorë për dore nga bashkëshortja e tij, zonja Linda Basha. 

Në një ditë të rëndësishme si kjo, nuk ka qenë i vetëm as kryetari i opozitës, Lulzim Basha, i cili ndonëse nuk kishte pranë bashkëshorten për shkak të kombësisë së saj hollandeze, gjatë dhënies së votës pranë çerdhes numër 13 shoqërohej nga dy prindërit e tij si dhe i vëllai me bashkëshorten. 

Nuk ka mbetur pas kryetari i Lëvizjes Socialiste për Integrim, Ilir Meta, i cili ka votuar pranë Kopshtit 31 në Njësinë 5 i shoqëruar nga bashkëshortja Monika Kryemadhi si dhe vajza e madhe, Bora Metaj, votuese për herë të parë.

Ndërkohë të tjera emra të cilët zgjodhën të votonin së bashku me familjet e tyre në këtë ditë zgjedhjesh ishin; Jozefina Topalli, Erisa Xhixho, Taulant Balla, Vangjush Dako, Erion Veliaj, Ervin Bushati apo Gjergj Bojaxhi! 

 

Jozefina Topalli me bashkëshortin

 

Taulant Balla me bashkëshorten dhe djalin 

 

Erisa Xhixho me bashkëshortin 

 

Ervin Bushati me dy djemtë 

 

Majlinda Bregu me bashkëshortin dhe vajzën 

 

Erion Veliaj me bashkëshorten 

 

Gjergj Bojaxhi me bashkëshorten dhe djalin